Першы год Пяцiгодкi якасцi будзе Годам добраўпарадкавання краiны
У навагоднім звароце да беларусаў Кіраўнік дзяржавы Аляксандр Лукашэнка аб'явіў, што 2025 год у Беларусі будзе Годам добраўпарадкавання, а ўся пяцігодка – Пяцігодкай якасці.
«Наш шлях – пераемнасць. Змена пакаленняў завершыцца ў найбліжэйшыя гады. Па-беларуску мудра – з апорай на ўсё, што мы шануем і чым ганарымся. Наступная пяцігодка ў нашай краіне будзе пяцігодкай якасці. Кожны яе год мы прысвяцім аднаму найважнейшаму напрамку. Пачнём з Года добраўпарадкавання краіны. Мэтай добраўпарадкавання нашай Беларусі стане павышэнне якасці жыцця людзей», – заявіў беларускі лідэр.
Аляксандр Лукашэнка таксама адзначыў, што зусім хутка трэба будзе выбіраць будучыню дзяржавы. «Мы ўсе жадаем, каб яна была паспяховай і шчаслівай. І абавязкова мірнай!» – сказаў Прэзідэнт.
Прэзідэнт Беларусі Аляксандр Лукашэнка 9 студзеня 2025 года падпісаў Указ №1, якім 2025 год аб'яўлены Годам добраўпарадкавання.
Гэты год дае старт пяцігодцы якасці і прадугледжвае комплекс мерапрыемстваў, накіраваных на стварэнне і падтрыманне зручнага, бяспечнага, сучаснага і эстэтычна арганізаванага асяроддзя жыццядзейнасці людзей. Рэалізоўваць гэтыя мерапрыемствы дзяржава будзе сумесна з арганізацыямі і грамадзянамі.
У 2025 годзе будуць прыняты маштабныя меры, у тым ліку па навядзенні парадку на зямлі, добраўпарадкаванні населеных пунктаў, вытворчых аб'ектаў, падтрыманні ў належным стане тэрыторый уздоўж аўтамабільных дарог і чыгунак. Адбудзецца не менш як два рэспубліканскія суботнікі.
Ураду даручана зацвердзіць рэспубліканскі план мерапрыемстваў Года добраўпарадкавання.
Згодна з Указам мерапрыемствы па добраўпарадкаванні ў 2025 годзе ўключаюць, у тым ліку:
- правядзенне работ па азеляненні (пасадка дрэў, кустоў, кветак, добраўпарадкаванне газонаў), рамонце вуліц і дарог, уладкаванні і ўтрыманні тратуараў, пешаходных і веласіпедных дарожак, асвятленні вуліц, уладкаванні (рамонце) аўтамабільных і веласіпедных парковак і стаянак, спартыўных і дзіцячых гульнявых пляцовак у населеных пунктах;
- знос пустых і старых жылых дамоў;
- добраўпарадкаванне (рамонт) аб'ектаў прыдарожнага сэрвісу (месцы адпачынку і харчавання, санітарныя стаянкі і іншыя), азеляненне тэрыторый, забеспячэнне вонкавага асвятлення ўчасткаў уздоўж аўтамабільных дарог;
- добраўпарадкаванне (рамонт) прыпыначных пунктаў, пасажырскіх платформ і будынкаў на станцыях, забеспячэнне іх асветленасці ўздоўж чыгунак;
- навядзенне парадку на вытворчых аб'ектах;
- падтрыманне ў належным стане тэрыторый садоўніцкіх таварыстваў, гаражных і іншых спажывецкіх кааператываў;
- падтрыманне парадку ў лясах, барацьбу з несанкцыянаванымі звалкамі на тэрыторыі ляснога фонду, стварэнне экалагічных сцежак, расчыстку буралому;
- забеспячэнне належнага ўтрымання месцаў масавага адпачынку ля вадаёмаў, уладкаванне аўтамабільных і веласіпедных парковак і стаянак паблізу такіх месцаў.
Акрамя таго, прадугледжваецца ўцягненне ў гаспадарчы абарот зямельных участкаў, якія не выкарыстоўваюцца, уключаючы пладовыя сады, якія не выкарыстоўваюцца.
Шэраг работ запланаваны і ў сельскагаспадарчых арганізацыях.
Указ прадугледжвае актывізацыю валанцёрскага руху і рэалізацыю грамадзянскіх ініцыятыў, накіраваных на добраўпарадкаванне краіны.
Год добраўпарадкавання закліканы аб'яднаць намаганні дзяржавы і грамадства па далейшым паляпшэнні якасці жыцця ў Рэспубліцы Беларусь.
Крыніца: president.gov.by
Даведацца больш